Hnefaleikavottorð

• Ef þátttakandi ætlar að keppa í hnefaleikum verður hann að gangast undir læknisskoðun einu sinni á ári og fá niðurstöðurnar skráðar í þátttökubók.

• Nokkuð stífar reglur með þetta frá HNÍ.

  • https://www.hni.is/keppendur

• Tvær mismunandi þátttökubækur eru til. Ein frá HNÍ og önnur frá AIBA sem er alþjóðleg og ítarlegri.

• Lækni er heimilt að neita því að taka þátt í því að gera þessi vottorð enda engin lagaleg eða siðferðisleg skylda um að votta heilsufar fyrir íþróttaiðkun sem innifelur höfuðhögg.

• Hugmyndin með þessu vottorði er væntanlega að staðfesta að þátttakandinn sé í lagi fyrir keppni, svo ef eitthvað kemur fyrir sé hægt að staðfesta orsakasamhengi við keppnina í hnefaleikum og bregðast við í kjölfarið.

• Kjósi læknirinn að ganga í verkið eru upplýsingarnar færðar inn í þátttökubók viðkomandi þátttakanda.

• Samskiptaseðill er stofnaður og V-almennt. Í V-almennt skal rita:

  • „Þáttökuhandbók til hnefaleika útfyllt. Skoðanir gerðar í samræmi við kröfurnar sem gerðar eru í þátttökubók. Sjá viðhengi í Sögu í sömu lotu“.

• Skanna þarf inn afrit af þátttökubókinni enda eru þetta þá orðin heilbrigðisgögn.

Greining: Útgáfa læknisvottorðs Z02.7

Úrlausn: Vottorð - almennt (gjaldskrá).

Velja skjal hæsta gjaldið sem kemur upp. Árið 2024 er það 8922 kr.